Themewoch – “MaMer Egalitéit”

D'Educatiounsekipp vum MEGA huet d'Biergerhaus vu Mamer ënnerstëtzt bei der Opstellung vun der éischter Editioun vun der Themewoch "MaMer Egalitéit". Vu Méindes dem 3. Mee bis Freides de 7. Mee 2021, goufen 10 thematesch Ateliere fir 287 Schüler (aus 14 Klassen aus dem Fondamental an 3 Klassen aus dem Lycée Josy Barthel Mamer) gehalen. Nieft den Atelieren déi vun de Partner vum MEGA gehale...

Presentatioun vun den neien Tools vum MEGA

Op enger Pressekonferenz de 26. Abrëll 2021 huet d'Ministesch fir Gläichstellung tëscht Fraen a Männer d'politesch Prioritéite fir de Beräich vun der Egalitéit an der Educatioun presentéiert. Fir dat aus där Gläichstellung tëscht Fraen a Männer och eng Realitéit gëtt, huet d'Ministesch allen Acteure d'Wichtegkeet déi d'Thematik verdingt rappeléiert, an och eng Rei nei Tools virgestallt déi een...

Atelier “Rosa-Blo” fir Kanner aus der Grondschoul zu Contern

D'Ekipp Edukatioun vum MEGA war am Kader vum Weltfraendag an der Grondschoul vu Contern. Während zwee Deeg konnte 5 Klassen aus de Cycle 3.1 bis 4.2 an 1 Grupp aus der Maison Relais hier interessant Erfahrungen an Iddien deelen zum Thema Gläichstellung, a gläichzäiteg sech mat Themen auserneesetze wéi Stereotyppen, Duerstellung a Beaflossung. Dësen Atelier kann een iwwregens als Grondschoul oder...

Geschicht(e) vu Gläichstellung

Dësen 8. Mäerz, um interationalen Dag vun de Fraërechter, hëllt de Ministère fir Gläichstellung Iech mat op eng Zäitrees an d’Siechzeger Joeren, zeréck bei d’Fraëbeweegung an hir Auswierkungen op eis Gesellschaft.

Wéi huet sech zanterhier eise Bléck op d’Fraë verännert? Sinn et ëmmer nach just d’Männer, déi no de Stäeren gräifen, an d’Fraen déi Steng an de Wee geluegt kréien?

De Ministère fir Gläichstellung tëscht Fraen a Männer (MEGA) ass a 4 Departementer ënnerdeelt: d'Gläichstellung an de Gemengen, d'Gläichstellung am Domän vun der Aarbecht, d'Gläichstellung am Sozialen an d'Gläichstellung an der Educatioun.

Dem politesche Wëllen entspriechend, scho fréi e Bewosstsinn fir d'Gläichstellung tëscht Fraen a Männer ze entwéckelen, huet d'Madamm Taina Bofferding (Ministesch vum MEGA) an Zesummenaarbecht mat hirer Ekipp an der Educatioun, eng Rei vun Aktivitéiten a Materialien an d'Liewe geruff, déi speziell fir Kanner a Jugendlecher entwéckelt gi sinn.

Zil ass et, d'Bewosstsinn bei de Meedercher a Jonge fir Geschlechterstereotyppen ze schäerfen a sécherzestellen, datt dës jonk Mënschen hir perséinlech a berufflech Entwécklung onofhängeg vun deene Grenze wiele kënnen, déi nach mat hirem Geschlecht kéinten a Verbindung bruecht ginn.

De Site rockmega.lu konzentréiert sech haaptsächlech op d'Aktivitéiten vum Departement Gläichstellung an der Educatioun.

 

Sensibiliséierungs-Material

MEGA-Webinaren

De MEGA huet 5 Webinare lancéiert déi speziell fir ee jonke Publikum entwéckelt goufen. Dës kënnen entweder individuell awer och als Gruppenaktivitéit genotzt ginn, an déi respektiv Alterskategorien an Themen gi jeweils an der Aleedung preziséiert.

Nieft de Webinaren déi d’Educatiounsekipp vum MEGA zum Thema vun de Stereotyppe proposéiert (fir d’Grondschoul an awer och fir Jonker ab 12 Joer), konnten 3 Partner hier eege Webinaren entwéckelen:

BROSCHÜR “WE ARE EQUAL”

De Ministère fir Gläichstellung huet eng nei Broschür verëffentlecht, déi sech u Jonker tëscht 12 an 20 Joer riicht a fir déi alldeeglech Gläichstellung sensibiliséiere soll.

We are equal  abordéiert op 7 Säite pedagogesch déi wichtegst Aktiounsberäicher vun der Gläichstellungspolitik. Doriwwer eraus erkläert d’Broschür den Ënnerscheed tëscht Gläichberechtegung a Chancëgläichheet, ier se sech op d’Dekonstruktioun vu Stereotyppe konzentréiert, déi vu kleng op, onbewosst eis Perceptiounen an Erwaardunge vis-à-vis vu Jongen a Meedercher beaflossen. Virurteeler déi dacks am Marketing an an de Medie propagéiert ginn, bremsen eis beispillsweis an der Schoul, an der Beruffsausbildung oder an der berufflecher Formatioun aus.

VIDEO

De MEGA lancéiert eng Serie vu Videoen fir Jonker déi Sujeten behandelen wéi Stereotyppen, Beruffs-Orientéierung, d’Geschlecherrollen a Villes méi.

Dës Videoen hëllefen et iwwer d’Gläichstellung an d’Gespréich ze kommen, an se gi virun allem genotzt am Kader vun den Aktivitéiten mam MEGA-Jumper. Natierlech stinn dës Videoen och Enseignanten an Educateuren zur Verfügung fir an hierem berufflechen Alldag ze notzen.

KANNERBICHER – PIXI

De MEGA huet eng Serie vu “Pixi” Kannerbicher publizéiert déi verschidden Theme behandelt déi direkt mat der Gläichstellung vu Fra a Mann a Verbindung stinn. Nei Editioune sinn an der Planung/Produktioun.

Déi Pixi déi een an dësem Moment bestelle kann sinn op Franséisch: “Papi fait du sport” an “Moi aussi je peux le faire!” an op Däitsch: “Opa aus der Puste” an “Das kann ich auch!”.

Reservatiounen

Mini-Expo

Dir hutt als Lycée, Schoul an aner Organisatioun d’Méiglechkeet eis Mini-Expo zu den 100 Joer Fraewalrecht ze bestelle fir zesumme mat äre Schüler, Awunner, Mataarbechter an d’Gespréich ze kommen zu den Theme Frae(wahl)rechter a Gläichstellung.

D’Expo besteet aus 7 Deeler (Héicht*Breet*Déift):

  • 3 « Vistand » – 2225(H)*2540(B)*685(D)
  • 3 « Totem » – 2000(H)*1000(B)*500(D)
  • 1 « Vistand » – 2225(H)*1930(B)*685(D)

MEGA-Jumper

Dir hutt als Lycée d’Méiglechkeet eise MEGA-Jumper ze bestelle fir zesumme mat äre Schüler a Mataarbechter an engem informelle Kader an d’Gespréich ze kommen zu den Theme Frae(wal)rechter a Gläichstellung. 

D’Ziel vum MEGA ass et sech direkt mat Jonken z’ënnerhalen an hire Feedback ze sammelen. Di geplangten Aktivitéiten, spilleresch an ofwiesslungsräich, erméiglechen de Jonken ze verstoe wéi Stereotyppen an Diskriminatiounen hiert Liewen awer och dat vun anere beaflossen. Jonker kréien och gewise wéi een sou Situatioune besser erkennt, a wéi ee besser drop reagéiere kann.

Eis Equipe ka souwuel vereenzelt Schüler a Jonker begéinen als ewéi ganz Schoulklassen.

Evenementer

Rock de Rack

De Rock de Rack ass ee Festival deen de MEGA ee Mol am Joer organiséiert ënnert dem Thema vun der Gläichstellung tëscht Fra a Mann.

Hei gi spezialiséiert Ateliere vun Experten ugebuede fir Gruppen/Klasse vu Jonken.

JIF

Dësen 8. Mäerz, um interationalen Dag vun de Fraërechter, hëllt de Ministère fir Gläichstellung Iech mat op eng Zäitrees an d’Siechzeger Joeren, zeréck bei d’Fraëbeweegung an hir Auswierkungen op eis Gesellschaft.

Wéi huet sech zanterhier eise Bléck op d’Fraë verännert? Sinn et ëmmer nach just d’Männer, déi no de Stäeren gräifen, an d’Fraen déi Steng an de Wee geluegt kréien?

Foire de l'Etudiant(e)

D'Foire de l'Etudiant(e) ass fir de Ministère fir Gläichstellung tëscht Fraen a Männer (MEGA) ee vun de wichtegen Datumer vum Joer ginn; dëst virun Allem och well d'Educatioun zur Gläichstellung eng Prioritéit ass fir d'Politik vun der Regierung ëmzesetzen.

Den direkte Kontakt, besonnesch an enger Phase vu schoulescher Orientatioun, ass dohier ausschlaggebend fir d'Educatiounsekipp vum MEGA.

Kontakt

Kontaktéiert d'Ekipp vun der Educatioun aus dem MEGA

De MEGA op de soziale Medien

Dir hutt d’Méiglechkeet de MEGA a seng Ekipp Educatioun op verschiddene soziale Medien erëmzefannen.