Rock de Rack 2021

De Rock de Rack 2021 ass ee Sensibiliséierungsdag zum Thema Gläichstellung tëscht Fraen a Männer, dee speziell fir Schüler aus dem Lycée entwéckelt gouf.

Organiséiert am Kinepolis Kierchbierg, mat engem Fokus op d’Thematik vun der Gläichstellung an de Medien, am Film an am Theater, fënnt de Festival den 28. Oktober 2021 ab 8 Auer statt.

Programm vum Dag:

  • 0800-0845: Aschreiwungen a COVID-Check
  • 0845-0900: Intro an detailléiert Erklärungen zum Oflaf
  • 0900-1030: Éischt “Ronn” Atelieren
  • 1030-1045: Paus
  • 1045-1215: Zweet “Ronn” Atelieren
  • 1215-1315: Lunch
  • 1315-1500: Film “Histoire(s) de femme(s)” zesumme mat der Realisatrice  Anne Schroeder
  • 1500-1700: Rock de Krees – interaktiv Diskussiounsronn tëscht de Participanten, den Intervenanten an der Madamm Ministesch

D’Atelieren sinn entwéckelt a ginn animéiert vu folgende Partner:

  • Lëtzebuerger Arméi: “Zesumme géint Stereotyppen”
  • CID Fraen & Gender: “D’Lutte fir d’Gläichstellung tëscht Fraen a Männer”
  • science.lu/Fonds national de la recherche: “Wéi ticken Fuerscherinnen a Fuerscher?”
  • École du théâtre: “Wéi kann ee Stereotyppen an Diskriminatiounen  déi mam Geschlecht ze dinn hunn ausspillen”
  • Graffiti asbl: “Duerstellung vu Fraen a Männer an der Publicitéit”
  • CNA – Centre National de l’Audiovisuel: “D’Superheldinnen”
  • LISER: “Gender-game 2.0”
  • Makeit asbl: “MINT/STEM, ee Beräich fir jiddereen”
  • Université du Luxembourg: “D’Egalitéit tëscht de Geschlechter am Film, de Videospiller an de Soziale Medien”

(den Detail vun den Atelieren kann eventuell nach ugepasst ginn)

Aschreiwungen wannechgelift per e-mail op events@mega.public.lu mat folgenden Informatiounen:

  • Unzuel u Schüler, Altersmoyenne an üblech Sprooche vun de Schüler
  • Numm vum Lycée a Kontaktdonnéeën vun der Begleetpersoun
  • Virléiwt vu 4 Atelieren (souwäit méiglech)
  • Eventuell spezifesch Besoinen oder eventuell Allergien (déi allerdéngs och réischt déi Woch virum Event kënne matgedeelt ginn)

Bei Froen, zéckt net Iech ze mellen +352 247 85826 oder um +352 247 85812.