Blog

Webinar fir Kanner aus dem  enseignement Fondamental: “Rosa Blo!”

Webinar fir Kanner aus dem enseignement Fondamental: “Rosa Blo!”

Et ass am ganz fréien Alter wou déi éischt Schinne gesat ginn zum Thema Geschlecht, an do kënne souwuel positiv als ewéi negativ Iddie bei Kanner ukommen.

An dësem Webinar ginn ofwiesselungsräich Spiller an Aktivitéite proposéiert. Dëss erlaben et hinnen ze verstoe wat Stereotyppen sinn (wéi zum Beispill och datt Rosa fir Meedercher wier a Blo fir Jongen), a wat fir Effekter dëss kënnen hunn. Gläichzäiteg hunn d’Kanner d’Méiglechkeet sech zu deem Thema an hierem eegenen Alldag auszedrécken.

Sensibiliséierungs-videon

Sensibiliséierungs-videon

De Ministère fir Gläichstellung huet an Zesummenaarbecht mat der Kommunikatiounsdesignerin Heather Kremer eng Rei Videoen fir Kanner ausgeschafft, déi d´Thematik vun der Gläichstellung visuell presentéieren.

An dëse kuerze Clippe ginn ënnerschiddlech Situatioune gewisen, an deenen d’Figure mat Stereotyppen a Geschlechterdifferenze konfrontéiert sinn, déi si an hirem Alldag beaflossen an aschränken. All dës Clippen an nach vill aner Videoen zum Thema Gläichstellung kann een um Youtube-Kanal vum MEGA einfach uklicken a stinn all Enseignant an Educateur zur Verfügung an hierem Alldag.

PIXI Bicher

PIXI Bicher

Zu dem beléifteste Sensibiliseierungsmaterial vum Ministère fir Gläichstellung gehéieren d’Pixi-Bicher déi an Zesummenaarbecht mam Carlsen-Verlag a renomméierten Auteure wéi der Dorothea Tust oder dem Gerhard Schroeder entstane sinn. An dëse Geschichten ginn d’Lieser ugereegt fir sech mam Thema Gläichstellung am Alldag an am Beruff auserneenzesetzen.

De MEGA proposéiert fir de Moment drei Bichelcher mam Titel .

Broschür: We Are Equal

Broschür: We Are Equal

Wisou ass Gläichstellung esou wichteg? Wou begéint se engem am Alldag a wéi beaflosst se eist Denken an Handelen?

Formatioun: Ech kämpfe fair

Formatioun: Ech kämpfe fair

D’infoMann A.S.B.L setzt sech a fir d Interessen an d Bedierfnesser vu Jongen a jonke Männer a Relatioun mam Thema Gläichberechtegung. Säit hirer Grennung am Joer 2012 hu si eng Rei Workshoppen a Formatiounen ausgeschafft, déi si engem grousse Public proposéieren.

D Formatioun „Ech kämpfe fair“ setzt sech mam Thema Gewaltpreventioun spilleresch a reflexiv auserneen, auschlisslech fir Jongen an jonk Erwuessener. InfoMann ka sech bei déi Interesséiert deplacéieren a mat hinnen zesumme schaffen.

MINI-EXPO 100 Joer Fraewahlrecht (1919-2019)

MINI-EXPO 100 Joer Fraewahlrecht (1919-2019)

2019 war gesellschaftlech a politesch en immens wichtegt Joer: 100 Joer Fraewalrecht goufe gefeiert. E grousse Schratt a Richtung vu Gläichstellung tëscht Fraen a Männer zu Lëtzebuerg.

An deem Kader war et och dem MEGA en Uleies, sech mat deser Thematik ze befaassen: Erauskoum ass eng portabel Mini-Expo mat deenen wichtegsten Etappen an de leschten 100 Joer, einfach erkläert a fir jidderee verständlech.

Mega-jumper

Mega-jumper

Niewent der grousser Unzuel u Sensbiliséierungsmaterialien déi de MEGA zur Verfügung stellt, ass et wichteg, mat de Jonken an direkte Kontakt ze kommen, mat hinnen zesummen iwwert d Thema Gläichstellung ze schwätzen an hier Meenungen ze sammelen.

D Ekipp vum MEGA deplacéiert sech op einfach Demande och an är Schoul, Maison Relais, Lycée oder Gemeng. Mir bidden an desem Zesummenhang eng un de jeeweilege Public ugepasst Formule. Op eng spilleresch Art-a-weis entdecken a verstinn d’Participanten wéi Stereotyppen an Diskriminatioun een Impakt kënnen op hiert Liewen oder dat vun aneren hunn. Gläichzäiteg entdecken se och wéi se a sou Situatioun reagéiere kënnen.

Gender-Game

Gender-Game

De LISER (Luxembourg Institute of Socio-Economic Research) huet mam Gender-Game e liewensgrousst Brietspill fir d’Allgemengheet (Kanner, jonk Leit an Erwuessener) entwéckelt. D Zil vum Spill ass et, op eng lëschteg Manéier d Relatioun tëscht Themefelder wéi Geschlecht, Stereotyppen a Gläichstellung an der Wëssenschaft hirzestellen.

Théâtre de Prévention

Théâtre de Prévention

De Forum Theater (TF) muss als Instrument ugesi ginn fir Gewalt am Stot ze vermeiden an ze bekämpfen (Diskriminatioun opgrond vum Geschlecht). D Zil ass, d‘Gewalt am Stot ze de-stigmatiséieren an ze de-tabouiséieren.

Atelier fir Jonker

Atelier fir Jonker

Jonker am Lycées-Alter si ganz oft mat Choixe konfrontéiert déi se deemno wéi ee Liewe laang begleeden. Et ass och een Alter wou een duerch Kategoriséiere léiert aus villen Informatiounen eppes Neies „ze léieren“.

Leider falen och Stereotyppen ënnert déi Form vu Léieren, an dofir huet de MEGA a seng Ekipp ee Workshop entwéckelt deen ee flexibel kann asetzen. Hei kann een op eng spilleresch Aart-a-Weis mat Jonken iwwer Stereotyppen am Alldag schwätze kann, a se ureegen iwwer hier ganz eege Situatioun nozedenken.

MEGA Dictionnaire

MEGA Dictionnaire

De MEGA huet en Dictionnaire ausgeschafft, deen déi Interesséiert soll iwwert déi aktuell Beruffsbezeechungen informéieren. Den Dictionnaire ass als PDF online ze fannen a kann beispillsweis vun Enseignanten am Kader vun hire Couren agesat ginn.

MEGA-SPILL: “Memory” Spill zum Thema Beruffer

MEGA-SPILL: “Memory” Spill zum Thema Beruffer

D Beruffer spilleresch entdecken an dobäi nach méi iwwert d Lëtzebuerger Sprooch gewuer ginn? Alles méiglech mam MEGA-Spill. Et handelt sech beim MEGA-Spill ëm e Memory Spill mam Zil, den Interesséierten ze verdäitlechen, datt all Beruff ka vu jidderengem ausgeübt ginn, onofhängeg vu sengem Geschlecht.